សិស្សប្រុស ៤ នាក់ ព្រួតគ្នាវាយសិស្សស្រីម្នាក់ បែកចិញ្ចើមដេរ ៣ ថ្នេរ
សិស្សស្រីម្នាក់បានរងរបួសចឹញ្ចេីមដេរអស់ ៣ ថ្នេរ បន្ទាប់ពីសិស្សប្រុស ៤ នាក់ ព្រួតគ្នាវាយកាលពីរសៀលថ្ងៃទី ២២ ខែ មករា ឆ្នាំ ២០២០ នៅ សាលាអនុវិទ្យាល័យ កូនភ្នំមិត្តភាព ស្រុក សំពៅលូន ខេត្តបាត់ដំបង ។
លោកឧត្ដមសេនីយ៍ត្រី ជេត វ៉ាន់នី ស្នងការរងនគរបាលខេត្តបាត់ដំបង ទទួលបន្ទុកព្រហ្មទណ្ឌ បានអោយគេហទំព័រ PVNN ដឹងនៅរសៀលថ្ងៃទី ២៥ ខែ មករា នេះថា ពិតជាមានករណីនេះមែន ហេីយ សមត្ថកិច្ចរបស់លោកកំពុងតែធ្វើការងារនេះ ដើម្បីរកយុត្តិធម៌អោយក្មេងស្រីរងគ្រោះ ។
គួរបញ្ជាក់ថាមួយរយៈចុងក្រោយនេះ សកម្មភាពក្មេងទំនេីង ហាក់កម្រេីកឡេីងច្រេីន ដែលក្មេងទំនេីងទាំងនោះ មានទាំងស្រី មានទាំងប្រុស បង្ករហឹង្សារជាបន្តបន្ទាប់រហូតបណ្ដាលអោយស្លាប់ក៏មាន ។
សកម្មភាពគួរអោយព្រួយបារម្ភនេះ ស្ថាប័នពាក់ព័ន្ធរួមទាំងអាណាព្យាបាលផងគួររឹតបន្តឹងវិន័យអោយបានខ្លាំងក្លាចំពោះកូនចៅរបស់ខ្លួន ។
