រកឃេីញអត្តសញ្ញាណម្ចាស់រថយន្តដឹកដីលេខ កណ្តាល 3A-1422 ដែលដឹកដីចាក់ចោលល់ផ្លូវជាតិក្នុងស្រុកកណ្ដាលស្ទឹង
ឯកឧត្ដម គង់ វិមាន នាយកខុទ្ទកាល័យ និង ជាអ្នកនាំពាក្យក្រសួងសាធារណការ និង ដឹកជញ្ជូន បានថ្លែងប្រាប់ PVNN អោយដឹងនៅរសៀលថ្ងៃទី ៨ ខែ សីហា ឆ្នាំ ២០២១ នេះថា បន្ទាប់ពីបានទទួលព័ត៌មានអំពីសកម្មភាពល្មេីសច្បាប់របស់ម្ចាស់រថយន្តដឹកដីស្លាកលេខ 3A-1422 ខេត្តកណ្ដាល បេីករថយន្តដឹកដីមកចាក់កណ្តាលថ្នល់ដេីម្បីតវ៉ាសកម្មភាពដឹកជញ្ជូនលេីសទម្ងន់របស់ពួកគេនោះ ក្រសួងសាធារណការ និង ដឹកជញ្ជូន បានស្រាវជ្រាវរកឃើញ អត្តសញ្ញាណម្ចាស់រថយន្តខាងលនោះហេីយ ពេលនេះ ក្រសួងសាធារណការ និង ដឹកជញ្ជូន កំពុងសហការជាមួយសមត្ថកិច្ចស្នងការដ្ឋាននគរបាលខេត្តកណ្ដាល ចាត់វិធានការច្បាប់ ។
សូមបញ្ជាក់ថា កាល់ពីថ្ងៃទី ៥ ខែ សីហា ឆ្នាំ ២០២១ ក្រុមរថយន្តដឹកដីមួយក្រុមបានធ្វើសកម្មភាពប្រមូលផ្ដុំគ្នាតវ៉ាទាមទារឲ្យមានការកែប្រែច្បាប់ដេីម្បីអោយពួកគេមានឱកាសដឹកលេីសទម្ងន់ដោយមិនមានទោស និង បានធ្វើសកម្មភាពដឹកដីមកចាក់កណ្តាលថ្នល់បណ្ដាលអោយកកស្ទះចរាចរយ៉ាងខ្លាំង ។
ប្រជាពលរដ្ឋមានការសាទរ និង គាំទ្រយ៉ាងខ្លាំងចំពោះចំណាត់ការរបស់ក្រសួងសាធារណការ និង ដឹកជញ្ជូន ដែលកំពុងមានវិធានការចំពោះរថយន្តធន់ធ្ងន់ដឹកលេីសទម្ងន់ ។ ព្រោះក្រុមរថយន្តដឹកលេីសទម្ងន់ទាំងនោះ មិនត្រឹមតែធ្វើអោយបាក់ស្ពាន ខូចផ្លូវប៉ុណ្ណោះទេ ថែមទាំងបង្ករគ្រោះថ្នាក់ដល់អ្នកដំណើរជាញឹកញាប់ ។
