បទថ្មី «កឋិនសន្តិភាព» របស់ហង្សមាសផ្ទុះការគាំទ្រខ្លាំង (មានវីដេអូ)

រាជធានីភ្នំពេញ ៖ ព្រឹកថ្ងៃទី១២ ខែតុលា ឆ្នាំ២០២០ នេះផលិតកម្មហង្សមាសបានចេញនូវបទចម្រៀងថ្មីមួយបទដើម្បីអបអរសាទរក្នុងរដូវកាលកឋិនទានចូលដល់មានចំណងជើងថា «កឋិនសន្តិភាព» ដែលជាការបកស្រាយរួមគ្នាយ៉ាងពីរោះរណ្ដំពីសំណាក់ក្រុមតារាចម្រៀងប្រចាំផលិតកម្មហង្សមាសជាច្រើនរូប ញ៉ាំងឲ្យបទចម្រៀងនេះកាន់តែរស់រវើក និងល្អឥតខ្ចោះផងដែរ។

យ៉ាងណាក្ដីបទចម្រៀងថ្មីនេះ ទទួលបានការកោតសរសើរយ៉ាងសន្ធឹកសន្ធាប់ពីសំណាក់អ្នកលេងបណ្ដាញសង្គម ដោយបទចម្រៀងនេះពោរពេញដោយអត្ថន័យរៀបរាប់នូវម្ហូបអាហារនំចំណីប្រពៃណីខ្មែរថែមរួមបញ្ចូលទាំងរបាំល្បែងខ្មែរ ប្រៀបបានលើកតម្កើងនូវវប្បធម៌ខ្មែរបានមួយកម្រិតទៀតតាមរយៈវិស័យសិល្បៈ ក្នុងខណៈពេលដែលប្រទេសជាតិពោរពេញដោយសន្តិភាព ក៏មានអ្នកខ្លះបានពោលសរសើរថា៖ «បើមិនPerfectមិនហៅហង្សមាសទេ»៕