សរសើរទឹកចិត្តលោកស្រី ទ្រី ដាណា សង់ផ្ទះថ្មី អោយកង់តម្លៃជាង 400$ ថែមប្រាក់ម្នាក់ ១លានរៀលទៀត

ភ្នំពេញ៖ លោកស្រី ទ្រី ដាណា​ ថ្ងៃនេះបានមកជួបប្អូនប្រុសប្រណាំងកង់ហើយ តាមរយៈទំព័រហ្វេសប៊ុកលោកស្រី បានអោយដឹងថា៖

លោកស្រី ទ្រីដាណា៖ សួរគាត់ថាចង់បានអី គាត់ថាចង់បានផ្ទះសម្រាប់ឪពុកម្ដាយគាត់សម្រាកស្រួល ព្រោះផ្ទះចាស់ធ្លុះធ្លាយអស់ហើយ  ខ្ញុំនឹងសង់ផ្ទះថ្មីជូនគាត់ ជំនួសផ្ទះចាស់ សម្រាប់ក្មេងដ៏កម្សត់ជាងគេនេះ។

ឯក្មេងៗ ២នាក់ទៀត ដែលមិនទាន់ទទួលបានកង់ លោកស្រី ទ្រីដាណាប្រគល់កង់តម្លៃជាង 400$ និងមួកជូនម្នាក់មួយ រួមជាមួយទឹកប្រាក់ម្នាក់ ១លានរៀលទៀត ដើម្បីជាការតបស្នងចំពោះឆន្ទៈតស៊ូរបស់ប្អូនៗ។

លោកស្រី ទ្រីដាណា បានបន្ថែមទៀតថា៖ សរសើរគាត់ណាស់ កង់កញ្ចាស់ទេ តែអាចប្រកួតទទួលបានចំណាត់ថ្នាក់ល្អគ្រប់គ្នា។ ជូនកង់ពួកគាត់ ដើម្បីហាត់ឱ្យកាន់តែខ្លាំង ចូលរួមប្រកួតលើកក្រោយ ដណ្ដើមលេខ១ លេខ២ តែម្តង។

ឯប្អូនម្នាក់ដែលល្បីក្នុងរូបនេះ កម្សត់ណាស់ កង់តម្លៃ ២ម៉ឺនរៀល យកទៅប្រកួតបានលេខ៦។ ម្ដាយគាត់មានជំងឺជាប់ខ្លួនមិនអាចធ្វើអីបាន ឯឪពុកធ្វើជាងសំណង់ រកប្រាក់បានគ្រាន់ចិញ្ចឹមគ្រួសារ។ មើលផ្ទះគាត់ហើយ ខ្លោចចិត្តណាស់ ភ្លៀងមកសាចលិចទឹក ពិតជាគួរអោយអាណិតមែន។

គួរបញ្ជាក់ផងដែរថា សប្បុរសជនបានជួយកង់ក្មេងប្រុសនោះ និងស្បៀងអោយគាត់ជាច្រើនហើយ ហេតុនេះ ហើយ លោកស្រីមានតែសង់ផ្ទះថ្មីជូនគាត់តែម្តងទៅ ។

សូមទស្សនារូបភាពខាងក្រោម៖