មន្ត្រីសាលាខេត្តបាត់ដំបងហៅអ្នករិះគន់សុទ្ធតែ “ អា “
បាត់ដំបង ៖ បញ្ហារិះគន់កក្រើកហ្វេសប៊ុក ខ្លាចបាត់តោថ្ម និង បាក់ស្ពានចាស់បានកេីតមានឡេីងតាំងពី សាលាខេត្តបាត់ដំបងធ្វើលិខិតស្នើទៅក្រសួង វប្បធម៌ និង វិចិត្រ សិល្បៈ ដេីម្បីរុះរើស្ពានចាស់អាយុ ១០៦ ឆ្នំា នៅមុខសាលាខេត្តបាត់ដំបងតាំងពីដេីមខែធ្នូ ឆ្នំា ២០១៩ មកម្ល៉េះ ។
នៅថ្ងៃទី ៤ ខែ ធ្នូ ឆ្នាំ ២០១៩ រដ្ឋបាលខេត្តបាត់ដំបង បានធ្វើលិខិតស្នើទៅក្រសួងវប្បធម៌ និង វិចិត្រសិល្បៈ ដេីម្បីរុះរើស្ពានចាស់អាយុ ១០៦ ឆ្នំា នៅមុខសាលាខេត្តបាត់ដំបង សាងសង់ស្ពានថ្មីជំនួសវិញ ។ ប៉ុន្តែសំណេីររបស់ រដ្ឋបាលខេត្តបាត់ដំបង ត្រូវបានក្រសួងវប្បធម៌ និង វិចិត្រ សិល្បៈ ជំទាស់មិនអោយរុះរេីទេ ត្រូវទុកអភិរក្សដេីម្បីក្មេងជំនាន់ក្រោយបានស្គាល់ ។
បន្ទាប់មករដ្ឋបាលខេត្តបាត់ដំបង មិនរុះរេីទេ តែសាងសង់ស្ពានថ្មីដែលឃ្លាតពីស្ពានចាស់ប្រមាណ ៦ ម៉ែត្រ ប៉ុណ្ណោះ ។
នៅពេលដំណេីរការខួងគ្រឹះ នៅថ្ងៃទី ១៥ ខែ មករា ឆ្នាំ ២០២០ ប្រជាពលរដ្ឋខេត្តបាត់ដំបង ក៏ដូចជាមហាជន បានបង្ហាញការបារម្ពពីការបាក់ស្ពានចាស់ ឬ អាចបាត់តោថ្ម ក៏បានរិះគន់និងបញ្ចេញមតិផ្សេងៗគ្នាច្រេីននៅលេីបណ្ដាញសង្គម ហ្វេសប៊ុក ។
ស្រាប់តែនៅថ្ងៃទី ១៦ ខែ មករា ឆ្នាំ ២០២០ មន្ត្រីសាលាខេត្តបាត់ដំបងមួយរូបឈ្មោះ កាន់ ប៊ុនថុល បានសរសេរបង្ហោះនៅលេីបណ្ដាញសង្គម ហ្វេសប៊ុករបស់លោកឈ្មោះ Kan Bunthol ដោយបានរៀបរាប់ថា ពូមីងគាត់ដេីរមកលេងលេីស្ពានថ្មចាស់ ហេីយគាត់និយាយថា “ អាណាគេថាបាត់តោ តោនៅតែជាតោ អាអ្នកថាវាចេះតែថា “ ។
ប៉ុន្តែបន្ទាប់ពី ប្រជាជនចូលទៅតវ៉ា និង ជេរមន្ត្រីរូបនោះច្រេីន លោក កាន់ ប៊ុនថុល ក៏បានលប់ការផុសនោះចោលវិញទៅ ។
ការសាងសង់ស្ពានថ្មីនេះត្រូវបានគេឆ្ងល់ថា ហេតុអ្វីបាន អាជ្ញាធរខេត្តបាត់ដំបងជ្រេីសរេីសទីតាំងសាងសង់ស្ពាននៅកៀកស្ពានចាស់ ហេីយក្បាលស្ពានខាងលិចទល់នឹងសួនច្បារ ក្បាលស្ពានខាងកេីតទល់នឹងផ្ទះប្រជាពលរដ្ឋ ។ បេីទោះបីស្ពាននេះធ្វេីហេីយក៏ដោយថ្ងៃក្រោយក៏មិនអាចរំដោះចរាចរបានច្រេីនដែរ ព្រោះគ្មានផ្លូវស្របស្ពាន ។
កន្លងមកនៅថ្ងៃទី ៣ ខែ ឧសភា ឆ្នាំ ២០១៤ អាជ្ញាធរខេត្តបាត់ដំបង ធ្លាប់បានអោយគេជីកកំណប់ម្ដងហេីយនៅក្បែតោថ្មទល់មុខសាលាខេត្តបាត់ដំបងនេះ ។ ប៉ុន្តែបានផ្អាកទៅវិញបន្ទាប់ពីប្រជាជនចូលទៅតវ៉ាច្រើន ។
