ផ្អើលអស់សមត្ថកិច្ចខណះប្រទះឃើញយន្តហោះដ្រូនដ៏ធំ១គ្រឿងធ្លាក់នៅកោះស្តេច ខេត្តកោះកុង
ខេត្តកោះកុង ៖ មេឃុំកោះស្តេច លោក សុខ ចេង បានអោយដឹងថា បើតាមសេចក្តីរាយការណ៍ ដ្រូនដ៍ធំ១គ្រឿងធ្លាក់នៅកោះស្តេច ហើយបានធ្វើអោយមានការភ្ញាក់ផ្អើលអស់សមត្ថកិច្ច ខណះពេលនេះ សមត្ថកិច្ចកំពុងឡោមព័ទ្ធ ដោយរង់ចាំជំនាញពីក្រសួងទៅពិនិត្យ ។
ហេតុការណ៍មានដ្រូន១គ្រឿងដែលមានលេខសម្គាល់ 1701002 បានធ្លាក់នៅក្នុងភូមិសាស្ត្រ ភូមិពាមកាយ ឃុំកោះស្តេច ស្រុកគិរីសាគរ ខេត្តកោះកុង ដែលត្រូវបានគេប្រទះឃើញនេះ កើតឡើងនាព្រឹកថ្ងៃទី១៧ ខែមករា ឆ្នាំ២០២០ តាមការបញ្ជក់ថាដ្រូននេះ មានស្លាបប្រវែង៩ម៉ែត្រ តួខ្លួនប្រវែងជាង៤ម៉ែត្រ ។ ជុំវិញករណីខាងលើនេះ បើតាមសមត្ថកិច្ចនគរបាលខេត្តកោះកុង ប្រាប់ថាពេលនេះសមត្ថកិច្ចកំពុងតែស្រាវជ្រាវបន្ថែមអំពីប្រភពនៃដ្រូននេះហើយ ។
ទោះជាយ៉ាងណា មជ្ឈដ្ឋានខ្លះបានដាក់ការសង្ស័យថាជាដ្រូនស៊ើប ការណ៍ ព្រោះទំហំធំខុសធម្មតា ហើយតំបន់កោះស្តេចជាតំបន់ដែលគេចោទប្រកាន់ ។
