លោកឧត្ដមសេនីយ៍ទោ បាន ប្រាក់ សុំបំភ្លឺចំពោះការចោទប្រកាន់របស់លោកតា ឡឹក ធន !
នៅយប់ថ្ងៃទី ១៨ ខែ មករា ឆ្នាំ ២០២០ លោកឧត្ដមសេនីយ៍ទោ បាន ប្រាក់ បានមកដល់ទីស្នាក់ការគេហទំព័រ PVNNដេីម្បីសុំបំភ្លឺចំពោះការចោទប្រកាន់របស់លោកតា ឡឹក ធន ដែលថា លោកទិញដីមិនបានអោយលុយគ្រប់ចំនួនដោយកក់ប្រាក់តែ ៩០០ ដុល្លារ ។
លោកឧត្ដមសេនីយ៍ទោ បាន ប្រាក់ បានបំភ្លឺថា នៅឆ្នាំ ២០០៧ លោកពិតជាបានទិញដីពីលោកតា ឡឹក ធន ទំហំ ១០ ហិកតា នៅភូមិ ពពាលខែ ឃុំ ដីឥដ្ឋ ស្រុក កៀនស្វាយ ខេត្ត កណ្ដាល តម្លៃ ៣៥០០០ ដុល្លារ ពិតប្រាកដមែន និងបានអោយលុយទៅលោកតា ឡឹក ធន ជាបន្តបន្ទាប់ សរុបចំនួន ២៣៥០០ ដុល្លារ មានស្នាមមេដៃប្រគល់ទទួលត្រឹមត្រូវ ។ នៅសល់ ១១៥០០ ដុល្លារ ទៀតមិនទាន់បង់អោយដោយសារតែលោកតាវាស់ដីអោយមិនទាន់គ្រប់ ។
ចំពោះការចោទប្រកាន់ថា គាត់ប្រេីប្រាស់លិខិតក្លែង ឬ ក្លែងលិខិតឯកជន រឹតតែមិនពិតទៅទៀត ព្រោះ ឯកសារ ដែល លោកតា ឡឹក ធន យកមកធ្វេីជាភស្តុតាងប្ដឹង និង ស្នេីសុំ នគរបាលធ្វើកោសល្យវិច័យ នោះ មិនមានឈ្មោះ លោកទេ ។
នេះជាការបំភ្លឺរបស់លោក ឧត្ដមសេនីយ៍ទោ បាន ប្រាក់ ដែលបានបំភ្លឺនៅយប់ថ្ងៃទី ១៨ ខែ មករា ឆ្នាំ ២០២០ នេះ ។ ចំពោះការពិតឬ យ៉ាងណានោះ ទុកអោយ តុលាការស្រាវជាវរកការពិតចុះដេីម្បីរកយុត្តិធម៌អោយទាំងសងខាង ។
របាយការណ៍របស់នគរបាលព្រហ្មទណ្ឌក្រសួងមហាផ្ទៃ បានសន្និដ្ឋានថា លោកឧត្ដមសេនីយ៍ទោ បាន ប្រាក់ និង ឈ្មោះ ទេស សុផា អាចជាប់ពាក់ព័ន្ធនឹងការប្រេីលិខិតក្លែង និង ក្លែងលិខិតឯកជន ។
