ឯកឧត្តម គី តិច ៖ ក្រុមមេធាវីស្ម័គ្រចិត្តសម្ដេចតេជោ កំពុងសិក្សាសំណុំរឿង ឧកញ៉ា ហេង សៀ ប្ដឹងពិធីការិនី ទូរទស្សន៍ MY TV មាន ពេជ្ររីតា
ភ្នំពេញ ៖ នៅព្រឹកថ្ងៃទី ១២ ខែ ឧសភា ឆ្នាំ ២០២១ ឯកឧត្ដម គី តិច ប្រធានក្រុមមេធាវីស្ម័គ្រចិត្តសម្ដេចតេជោ បានប្រាប់ PVNN ថា ក្រុមមេធាវីស្ម័គ្រចិត្តសម្ដេចតេជោ កំពុងសិក្សាសំណុំរឿង កញ្ញា មាន ពេជ្ររីតា ពិធីការិនីទូរទស្សន៍ប៉ុស្តិ៍ MY TV ដែលបានជាប់ពន្ធនាគារដោយសារមានបណ្ដឹងពីឧកញ៉ា ហេង សៀ ។
ក្រុមមេធាវីស្ម័គ្រចិត្តសម្ដេចតេជោ ត្រូវបានសម្ដេចតេជោ ហ៊ុន សែន បង្កេីតឡេីងដេីម្បីជួយស្ត្រីរងគ្រោះទន់ខ្សោយដែលជួបបញ្ហារឿងក្ដីនៅតុលាការ ដោយមានឯកឧត្តម គី តិច ជាប្រធាន ។ ចាប់តាំងពីមានការបង្កេីត ក្រុមមេធាវីស្ម័គ្រចិត្តសម្ដេចតេជោ រួចមក ក្រុមមេធាវីស្ម័គ្រចិត្តសម្ដេចតេជោ បានចូលរួមជួយការពារផ្លូវច្បាប់ជូនស្ត្រីរងគ្រោះទន់ខ្សោយ ទទួលបានយុត្តិធម៌ជាបន្តបន្ទាប់ ។
