អតីត ភរិយា លោក ឌួង ឆាយ បេីករថយន្ត Rolls Royce បុកខឿនផ្លូវ

ភ្នំពេញ ៖ មេម៉ាយ ក្ដៅៗលោកស្រី ដេត ម៉ារីណា អតីត ភរិយា របស់ លោក ឌួង ឆាយ បាន បើករថយន្តស៊េរីទំនើបម៉ាក Rolls Royce ពណ៌ ស ពាក់ ស្លាក លេខ កម្ពុជា MR.IDOL បុកទ្រូងផ្លូវពេញទំហឹងរងការខូចខាតបាក់ថ្មក្បាលនាគពុះចែកទ្រូងផ្លូវអស់មួយកង់និងបាក់បង្កោលភ្លើងអស់មួយដើមដេកដួលទ្រេតតាមផ្លូវបង្កការកកស្ទះចរាចរណ៍ កាលវេលាម៉ោង២:២០នាទីយប់រំលងអាធ្រាតឈានចូលថ្ថៃពុធទី១៣ខែតុលាឆ្នាំ២០២១ស្ថិតនៅផ្លូវសហព័ន្ធរុស្ស៊ីទល់មុខនឹងវិហារចិន ក្នុងសង្កាត់ទឹកថ្លាខណ្ឌសែនសុខ។

តាមប្រភពព័ត៌មានពីប្រជាពលរដ្ឋដែលឃើញហេតុការណ៍បានអោយដឹងថា មុនពេលកើតហេតុ បានឃើញរថយន្តស៊េរីទំនើបម៉ាក Rolls Royce ពណ៌ស ពាក់ស្លាកលេខ(កម្ពុជា.MR.iDol)បើកបរដោយលោកស្រី ដេត ម៉ារីណា អតីត ភរិយា របស់ លោក ឌួង ឆាយ ធ្វើដំណើរតាមបណ្ដោយផ្លូវសហព័ន្ធរុស្សីទិសដៅពីកើតទៅលិចក្នុងល្បឿនលឿនរេចង្កូតពេញផ្លូវខណ:មកដល់ចំណុចកើតហេតុខាងលើ ក៏ជ្រុលចង្កូតទៅបុកថ្មក្បាលនាគពុះចែកទ្រូងផ្លូវពេញទំហឹងបណ្ដាលថ្មក្បាលនាគពុះចែកទ្រូងផ្លូវបាក់អស់មួយកង់និងបាក់បង្គោលភ្លើងដែកបំភ្លឺផ្លូវអស់មួយដើមបន្ថែមទៀត ចំណែករថយន្តរងរការខូចខាតផ្នែកខាងមុខយ៉ាងដំណំនិងផ្ទុះពោងក្នុងរថយន្តទាំងសង់ខាង សំណាងមិនបង្កអោយមានអ្នករងរបួស។

ករណី គ្រោះថ្នាក់ ចរាចរណ៍ នេះ គេមិនដឹងថា លោក ស្រី ផឹក ស្រវឹង ឬ យ៉ាងណា នោះ ទេ ព្រោះ ក្រោយ កេីតហេតុ គាត់ បានចាកចេញចោល រថយន្ដ ទៅជាមួយ មិត្តភ័ក្ដិ អស់ ទៅ ។

បន្ទាប់មកទើបសមត្ថកិច្ចមូលដ្ឋាននរគបាលខណ្ឌសែនសុខនិងសមត្ថកិច្ចនគរបាលចរាចរណ៍ក្រុងភ្នំពេញចុះវាស់វែងរួចក៏ស្ទូចរថយន្តស៊េរីទំនើបយកទៅរក្សាទុកនៅការរិយាល័យចរាចរណ៍នៃស្នងការរាជធានីភ្នំពេញ រងចាំម្ចាស់ចូលខ្លួនមកដោះស្រាយ។