ឃាត់ខ្លួនជនសង្ស័យ ៤ នាក់ ដកហូត អាវុធខ្លី ១ដេីម
កំពង់ធំ ៖ តាមប្រភពព័ត៌មានពីខេត្តកំពង់ធំបានអោយដឹងថា នៅវេលាម៉ោង ១១:១៥នាទីថ្ងៃទី ២៧ខែវិច្ឆិកា ឆ្នាំ ២០២១ កម្លាំងមន្ទីរស្រាវជ្រាវនិងបង្ក្រាបបទល្មើសកងរាជអាវុធហត្ថខេត្តកំពង់ធំ សហការជាមួយ អាវុធហត្ថស្រុកសន្ទុក ដោយមានការសម្របសម្រួលពី តំណាងអយ្យការអមសាលាដំបូងខេត្តកំពង់ធំ បានចុះបង្ក្រាបករណី ហឹង្សាដោយចេតនាមានអាវុធនៅចំណុចផ្ទះរបស់ឈ្មោះថា ធីតា ភេទស្រី អាយុ ៣៦ ឆ្នាំរស់នៅភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំដែលបង្ករឡេីងដោយក្រុមជនសង្ស័យមួយក្រុមមានគ្នាប្រហែល ១០ នាក់បានធ្វើសកម្មភាពវាយតប់ទៅលើក្រុមជនរងគ្រោះដែលមានគ្នា ៦ នាក់ ដោយប្រើ ដៃ ខ្សែក្រវ៉ាត់ និងដំបងឈេឺជ្រុង រួមទាំងអាវុធខ្លីចំនួន ១ ដើម បណ្ដាលឱ្យជនរងគ្រោះចំនួន ៣ នាក់រងរបួសស្រាលត្រង់ដៃខាងឆ្វេងមួយកន្លែង ត្រង់សៀតផ្កាខាងស្ដាំ មួយកន្លែង(១ខ្សែក្រវ៉ាត់)នឹងត្រង់ក្រោមគុម្ពត្រចៀកស្តំាមួយកន្លែង(01ខ្សែក្រវ៉ាត់)។
ជាលទ្ធផលសមត្ថកិច្ចកងរាជអាវុធហត្ថខេត្តកំពង់ធំ បានសម្រេចឃាត់ខ្លួនជនសង្ស័យបានចំនួន ៤ នាក់ ក្នុងនោះមានឈ្មោះ ៖
១-ឈ្មោះទេព ចិន្តា ភេទប្រុសអាយុ ៣៩ ឆ្នាំរស់នៅសង្កាត់បឹងកេងកងទី ២ ខណ្ឌចំការមន រាជធានីភ្នំពេញ។
២- ឈ្មោះ ឡេង ចាន់រិទ្ធីភេទប្រុសប្រុសអាយុ ២៨ ឆ្នាំរស់នៅភូមិកំពង់រទេះ សង្កាត់កំពង់រទេះ ក្រុង ស្ទឹងសែន ខេត្តកំពង់ធំ។
៣- ឈ្មោះ ជួន ប៉ោជាំង ភេទប្រុសអាយុ ៣១ ឆ្នាំរស់នៅភូមិស្ពានគ្រងឃុំចំណាក្រោម ស្រុកស្ទោង ខេត្តកំពង់ធំ។
៤-ឈ្មោះខា កុសល ភេទប្រុសអាយុ ៣២ ឆ្នាំរស់នៅភូមិក្រោលគោសង្កាត់ទួលសង្កែ1 ខណ្ឌឬស្សីកែវរាជធានីភ្នំពេញ។
ដកហូតវត្ថុតាងរួមមាន
១.អាវុធខ្លីចំនួន 1 ដើមម៉ាកBERETTA លេខBER665672បង់ចំនួនមួយគ្រាប់ពីរគ្រាប់ ។
២.រថយន្តមួយគ្រឿងម៉ាកលុចស៊ីសពណ៌ខ្មៅពាក់ស្លាកលេខភ្នំពេញ2N4488។
៣.ប័ណ្ណសម្គាល់អាវុធខ្លីចំនួន 01 សន្លឹក លិខិតបញ្ជាបេសកកម្មចំនួន01សន្លឹក អត្តសញ្ញាណប័ណ្ណទាហានចំនួន01សន្លឹក
៤.ក្បាលខ្សែក្រវាត់ចំនួន 1
៥.សោកុងតាក់ចំនួន01
៦.ទូរស័ព្ទចំនួន02គ្រឿង
៧.ដំបងឈេឺ02កំណាត់
៨.កំប៉ុងជ័រចំនួន01
៩.ស្រោមកាំភ្លេីងខ្លីចំនួន01 ។
បច្ចុប្បន្នជនសង្ស័យ និង វត្ថុតាង សមត្ថកិច្ចកងរាជអាវុធហត្ថខេត្តកំពង់ធំ កំពុងកសាងសំណុំរឿងបញ្ជូនទៅអយ្យការអមសាលាដំបូងខេត្តកំពង់ធំ ចាត់ការបន្តតាមនិតិវិធីច្បាប់ ។
