ឃាត់ខ្លួនមនុស្ស២នាក់ រឹបអូសបារីអេឡិចត្រូនិច៩០កេស និងទឹកបារី ១៣៨កេស នៅសង្កាត់និរោធ ខណ្ឌច្បារអំពៅ

រាជធានីភ្នំពេញ ៖ កម្លាំងមន្ទីរប្រឆាំងបទល្មើសគ្រឿងញៀន បានសហការជាមួយនគរបាលខណ្ឌច្បារអំពៅ បានចុះធ្វើការបង្ក្រាបទីតាំងចែកចាយម៉ាស៊ីនបារីអេឡិចត្រូនិច និងទឹកបារីអេឡិចត្រូនិច មួយកន្លែង ឃាត់ខ្លួនមនុស្សបានចំនួន២នាក់ កាលពីវេលាជាង១១ព្រឹក ថ្ងៃទី១៣ ខែកក្កដា ឆ្នាំ២០២២ នៅចំណុចផ្ទះលេខ ៩៧ ផ្លូវM០២ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។

សមត្ថកិច្ចបានឲ្យដឹងថា ជុំវិញការចុះបង្ក្រាបនេះ សមត្ថកិច្ចជំនាញ ឃាត់ខ្លួនបានជនសង្ស័យ២នាក់ រួមមាន ទី១ឈ្មោះ ចេង យី ភេទស្រី និងទី២ឈ្មោះ ខាត់ សារិទ្ធ ភេទប្រុស ។

រួមទាំងដកហូតវត្ថុតាងរួមមាន ៖ ម៉ាស៊ីនបារីអេឡិចត្រូនិចចំនួន ៩០កេស ។ ទឹកបារីអេឡិចត្រូនិច ចំនួន ១៣៨កេស ។ ម៉ូតូមួយគ្រឿង ពាក់ស្លាកលេខភ្នំពេញ 1HT-9634 ។

-ម៉ូតូម៉ាកស្កុបពីអាយ ពណ៌ខ្មៅ ពាក់ស្លាកលេខ ភ្នំពេញ 1JF-6738 ។

ពេលនេះ ជនសង្ស័យខាងលើ ត្រូវបានសមត្ថកិច្ចខណ្ឌច្បារអំពៅ ប្រគល់ឲ្យខាង មន្ទីរប្រឆាំងបទល្មើសគ្រឿងញៀន ដើម្បីចាត់ការបន្ត ៕