កងកម្លាំងអ៊ុយក្រែនកំពុងគ្រប់គ្រងជួរមុខ ទោះបីមានសម្ពាធខ្លាំងក៏ដោយ
អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃអង្គារថា កងកម្លាំងអ៊ុយក្រែនកំពុងរក្សាបានទីតាំងរបស់ពួកគេនៅជួរមុខនៅភាគខាងកើតអ៊ុយក្រែន ទោះបីជាមានសម្ពាធខ្លាំងពីការវាយប្រហាររបស់រុស្ស៊ីជាបន្តបន្ទាប់ក៏ដោយ។
លោក Zelenskyy និយាយថា វាមានសារៈសំខាន់ខ្លាំង ទោះបីជាមានសម្ពាធយ៉ាងខ្លាំងមកលើកងកម្លាំងរបស់យើងក៏ដោយ សមរភូមិជួរមុខពុំបានផ្លាស់ប្តូរនោះទេ។ លោក Zelenskyy អះអាងថា កងកម្លាំងរុស្ស៊ីកំពុងរងការបាត់បង់គួរឱ្យភ្ញាក់ផ្អើលនៅក្នុងការវាយប្រហារឥតឈប់ឈរនៅក្នុងតំបន់ Donetsk និង Luhansk ដែលជាចំណុចសំខាន់នៃការប្រយុទ្ធគ្នា។
ទន្ទឹមនឹងនេះដែរ ប្រធានាធិបតីសហរដ្ឋអាមេរិកលោក Joe Biden ដែលទើបតែបានសន្យាថាគាំទ្រដល់អ៊ុយក្រែន ក្នុងដំណើរទស្សនកិច្ចដោយមិនបានប្រកាសជាមុនមកកាន់ទីក្រុង Kyiv បានស្នាក់នៅក្នុងប្រទេសប៉ូឡូញសម្រាប់កិច្ចខិតខំប្រឹងប្រែងរបស់ប្រទេសលោកខាងលិច ដើម្បីធានាបានថាទីក្រុង Kyiv នឹងឈ្នះសង្គ្រាម៕
ប្រភព៖ BTV