ទីបំផុតមន្ត្រីនគរបាលខេត្តព្រៃវែងទាំង ៧ នាក់ ទទួល…
ទីបំផុតសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និង ឯកឧត្ដមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានសម្រេចដាក់វិន័យលេីមន្រ្តីនគរបាលខេត្តព្រៃវែងចំនួន ៧ នាក់ តាមលំដាប់លំដោយដូចខាងក្រោម ៖
១- លោកឧត្ដមសេនីយ៍ត្រី ថោង វណ្ណឌី សម្រួលភារកិច្ចពីស្នងការរងទទួលបន្ទុកគ្រឿងញៀន មកជា ស្នងការរង ។
២- លោកវរៈសេនីយ៍ឯក ពៅ ជីវ័ន្ត ប្រធានការិយាល័យប្រឆាំងគ្រឿងញៀន ព្រមានលេីកទី១ ពីបទល្មេីសវិន័យនគរបាលជាតិ ។
៣- លោកអនុសេនីយ៍ឯក ទូច ធារ៉ា ត្រូវដកហូតមុខតំណែងពីនាយរងការិយាល័យប្រឆាំងគ្រឿងញៀន មកជាមន្ត្រី និង បន្ថយឋានន្តរសក្ដិពី អនុសេនីយ៍ឯក មកជាអនុសេនីយ៍ទោ ។
៤- លោកអុនុសេនីយ៍ឯក ស៉ី បូ ត្រូវបានដកហូតមខតំណែងពីនាយផ្នែកមកជា មន្ត្រី
៥- ចំណែក មន្ត្រី ៣ នាក់ផ្សេងទៀត ត្រូវបន្ថយ ឋានន្តរសក្ដិមួយថ្នាក់ម្នាក់ ។
ទាំងនេះគឺជាចំណាត់ការផ្ទៃក្នុងរបស់ ថ្នាក់ដឹកនាំអគ្គស្នងការនគរបាលជាតិ និង ក្រសួងមហាផ្ទៃ តែប៉ុណ្ណោះ ។ ដោយឡែក បុគ្គលឈ្មោះ ទូច ធារ៉ា កំពុងជាប់បណ្ដឹងរបស់ យុវជន ២នាក់ នៅអយ្យការអមសាលាដំបូងខេត្តព្រៃវែង ពីបទធ្វើទារុណកម្ម និងចាប់បង្ខាំងជំរឹតទារប្រាក់ ។
ជនរងគ្រោះកំពុងរង់ចាំទទួលយុត្តិធម៌ពីតុលាការ ។
