យុទ្ធនាការសម្អាតបរិស្ថានតាមផ្សារ សាលារៀន ផ្ទះប្រជាពលរដ្ឋនៅស្រុកស្វាយអន្ទរ

ព្រៃវែង ៖ ព្រឹកនេះឯកឧត្តម ទូច វណ្ណៈ ប្រធានក្រុមការងារ ស.ស.យ.ក. ចុះជួយស្រុកស្វាយអន្ទរ លោក ប៉ិច សុង អភិបាលស្រុកស្វាយអន្ទរ និងប្រធាន-អនុប្រធាន សមាជិក ស.ស.យ.ក. ស្រុក ព្រមទាំងក្រុមការងារ បានចុះធ្វើយុទ្ធនាការសម្អាតបរិស្ថានក្នុងបរិវេណផ្សារស្វាយអន្ទរ តំបន់ច្រមុះជ្រូក សាលារៀន និងតាមផ្ទះបងប្អូនប្រជាពលរដ្ឋ នៅក្នុងស្រុកស្វាយអន្ទរ ខេត្តព្រៃវែង ។

សូមពុកម៉ែ បងប្អូនប្រជាពលរដ្ឋទាំងអស់ រួមគ្នាសម្អាតបរិស្ថានតាមផ្ទះ សាលារៀន ផ្សារ និងទីសាធារណៈនានា ដើម្បីធ្វើឲ្យប្រទេសយើង មានបរិស្ថានស្អាត អនាម័យល្អ និងមានបរិយាកាសស្រស់បំព្រង ព្រមទាំងបានចាកផុតពីជំងឺផ្សេងៗ រស់នៅប្រកបដោយក្តីសុខសាន្ត។
………….
២៣ សីហា ២០២០