ក្រីក្រ ពេកជាន់មីនដាច់ជេីង ទៅពេទ្យ ពេទ្យ ធំ ខេត្ត បាត់ដំបង មិនទទួល

បាត់ដំបង ៖ លោកអនុសេនីយ៍ឯក ជ័យ តារា នាយប៉ុស្តិ៍ តាសាញ ស្រុក សំឡូត ខេត្ត បាត់ ដំបង បានអោយដឹងនៅតាមតេឡេក្រាមថា មន្ទីរ ពេទ្យ ធំ ខេត្ត បាត់ដំបង មិនទទួល អ្នករបួសដោយសារមីន ទេនៅរសៀលថ្ងៃទី ៣១ ខែ ធ្នូ ឆ្នាំ ២០១៩ ។ លោកអនុសេនីយ៍ឯក នាយប៉ុស្តិ៍ បានន្តថា នៅរសៀល ថ្ងៃទី ៣១ ខែ ធ្នូ ឆ្នាំ ២០១៩ វេលា ម៉ោង ៣ :០០នាទី យុវជន ឈ្មោះ អឿន សៅ ពិជ្រ អាយុ ១៦ ឆ្នាំ រស់ នៅ ភូមិ អូរតាទន្ទឹម ឃុំ តាសាញ ស្រុក សំឡូត ខេត្ត បាត់ ដំបង បានទៅកាប់ចំការនៅ ចំណុច បេងប្រហោង ភូមិ ភ្នំ វៃ ឃុំ តតោក ស្រុក សំឡូត ខេត្ត ជាន់មីនស្គរ ដាច់ប្រអប់ជេីង ខាងស្ដាំ និង ដៃខាងស្ដាំ ។ ក្រោយកេីតហេតុភ្លាមៗ ប្រជាជន និង សមត្ថកិច្ច មូលដ្ឋាន បាននាំទៅសង្គ្រោះបឋមនៅ មណ្ឌល សុខភាព រួចបញ្ជូនបន្តទៅ មន្ទីរ ពេទ្យ ធំ ខេត្ត បាត់ដំបង ។ ប៉ុន្តែ គ្រូពេទ្យ ប្រចាំ ការនៅ មន្ទីរ ពេទ្យ ធំ ខេត្ត បាត់ដំបង មិនទទួល ហេីយរុញអោយទៅ មន្ទីរ ពេទ្យ Emergency ហេីយពេទ្យ Emergency ក៏មិនទទួលទៀតទេីបរុញទៅ គ្លីនីក ឯកជន ។ ពាក់ព័ន្ធ នឹងសេចក្ដីរាយការណ៍ គេហទំព័រ PVNN យេីងខ្ញុំ បានព្យាយាមទាក់ទងទៅលោកប្រធានមន្ទីរ សុខាភិបាល ខេត្ត បាត់ ដំបង ដែរ តែមិនមានការឆ្លេីយតបទេ ។

គួរអោយកត់សំគាល់ថា ជារឿយៗ ពលរដ្ឋ ក្រីក្រ មានជម្ងឺ ទៅពេទ្យរដ្ឋ ពិបាកនឹងទទួលបានសេវ៉ាព្យាបាលត្រឹមត្រូវណាស់ ព្រោះ តែចរិកគ្រូពេទ្យមួយចំនួនតូច មេីលឃេីញលុយធំជាងជីវិតអ្នកជម្ងឺ ។