បន្ទាប់ ពី មានការរិះគន់ ខាងមន្ទីរពេទ្យធំ ខេត្ត បាត់ដំបង យល់ព្រម ទទួល ព្យាបាល យុវជន ជាន់មីនដាច់ប្រអប់ជេីងហេីយ

បន្ទាប់ ពី គេហទំព័រ PVNN ផ្សាយអំពី យុវជន ក្រីក្រ មួយរូប ជាន់មីនដាច់ប្រអប់ជេីង ខាង មន្ទីរ ពេទ្យ ធំ ខេត្ត បាត់ដំបង មិនទទួល ព្យាបាល នោះ លោក វឿង ប៊ុន រ៉េត ប្រធាន មន្ទីរ សុខាភិបាល ខេត្ត បាត់ដំបង បានអោយដឹងថា លោកមានការសោកស្ដាយចំពោះហេតុការណ៍នេះ ហេីយពេលនេះ ខាង មន្ទីរ ពេទ្យ ធំ ខេត្ត បាត់ដំបង បានចាត់ចែងទទួលយកមកព្យាបាលនៅ មន្ទីរពេទ្យ ដោយមិនគិតសេវ៉ាអ្វីទាំងអស់ ។ មានន័យ ថា ខាងមន្ទីរពេទ្យធំ ទទួល ខុសត្រូវ លើ ការចំណាយ ផ្សេងៗ ចំពោះ ការ ព្យាបាល របួស របស់ យុវជន អឿន សៅ ពិជ្រ ទាំងអស់ ។

គួរបញ្ជាក់ថា នៅព្រឹក ថ្ងៃទី ០១ ខែ មករា ឆ្នាំ ២០២០ នេះ គេហទំព័រ PVNN បានទទួល សេចក្តី រាយការណ៍ ពី នាយប៉ុស្តិ៍ រដ្ឋបាល តាសាញ ស្រុក សំឡូត ខេត្ត បាត់ ដំបង ថា ខាងមន្ទីរពេទ្យធំ ខេត្ត បាត់ ដំបង មិនទទួល ព្យាបាល របួស របស់ យុវជន អឿន សៅ ពិជ្រ ដែលបានជាន់មីនដាច់ ប្រអប់ជេីង និង ដៃ កាល ពី រសៀល ថ្ងៃ ទី ៣១ ខែ ធ្នូ ឆ្នាំ ២០១៩ ដោយរុញអោយទៅ មន្ទីរពេទ្យ Emergency ហេីយខាង មន្ទីរពេទ្យ Emergency បានរុញបន្តទៅ គ្លីនីក ឯកជន ។ ទង្វើ របស់ គ្រូ ពេទ្យបែបនេះ បានបង្ករអោយមានការរិះគន់ខ្លាំងនៅ លេី បណ្ដាញ សង្គម ហ្វេសប៊ុក ។