លក្ខណៈសម្គាល់ខុសគ្នា រវាងគ្រុនឈាម និងរលាកបំពង់ក!
ពេលកូនចាប់ផ្ដើមក្ដៅខ្លួនម៉ាក់ប៉ាតែងតែព្រួយបារម្ភ និងសន្និដ្ឋានថាកើតជំងឺគ្រុនឈាម ហើយបើគ្រូពេទ្យគ្មានបទពិសោធទៀតនោះ មើលមិនដឹងថាឈឺអ្វី អាចព្យាបាលខុសគោលដៅជាមិនខាន។ លោកវេជ្ជបណ្ឌិត ហ៊ាង រតនា ឯកទេសទូទៅបានចែករំលែកវិធីកត់សម្គាល់ថា កូនកើតជំងឺគ្រុនឈាម ឬគ្រាន់តែរលាកបំពង់កនៅដំណាក់កាលដំបូង។
១- គ្រុនឈាម
– ឈឺក្បាលខ្លាំងផ្នែកខាងមុខ
– ក្ដៅខ្លួនខ្លាំងតាំងពីថ្ងៃដំបូង
– ឈឺខ្លួន
– មិនឃ្លានអាហារ
– ឈឺប្រឡង់ភ្នែក
– ក្អួតចង្អោរ
– មានលេចស្នាមកន្ទួលក្រហមៗលើស្បែក។
២- រលាកបំពង់ក
– ឈឺក
– ហើមកូនកណ្ដុរនៅក
– ក្ដៅខ្លួនតិចៗពីថ្ងៃដំបូង
– ក្អក
– ហៀរសំបោរ
– ឈឺក្បាល
បើបើកបំពង់កមានសៗ រលាកដោយបាក់តេរី តែបើក្រហមរលាកដោយវីរុស។
លោកវេជ្ជបណ្ឌិតបានបញ្ជាក់ថា រោគសញ្ញាជំងឺទាំងពីរខុសគ្នាខ្លាំង បើចេះមើលប៉ុន្មានចំណុចនឹងអាចដឹងបានខ្លះៗ ថាកូនកំពុងស្ថិតនៅក្នុងស្ថានភាពណាមួយ ហើយត្រូវនាំទៅជួបជាមួយគ្រូពេទ្យជំនាញ ព្រោះគ្រូពេទ្យគ្មានជំនាញអាចធ្វើរោគវិនិច្ឆ័យខុស។