អភិបាលខេត្តកំពង់ស្ពឺ​ ទឹកជំនន់នឹងកើតមាននៅក្រុងច្បារមនទាំងមូលនៅវេលាម៉ោង ៤រសៀល

តាមរយៈគណនីយហ្វេប៊ុករបស់ អភិបាលខេត្តកំពង់ស្ពឺ ឯកឧត្តម វ៉ី សំណាង អភិបាលនៃគណៈ អភិបាលខេត្តកំពង់ស្ពឺ បានបង្ហោះកាលពីម៉ោង០២រសៀលថ្ងៃទី១៤ ខែតុលា​ ឆ្នាំ២០២០នេះ​ដែលមានខ្លឹមសារទាំងស្រុងថា​៖

<<សូមគោរពជម្រាបជូនពុកម៉ែមាមីងបងប្អូនមេត្តាជ្រាបថានៅ 2 ម៉ោងទៀត(ម៉ោង១៦) ទឹកជំនន់នឹងកើតមាននៅចំណុច ភូមិរលោង ព្រៃស្លឹក កាហែង ភូមិកាប់ទូក ភូមិភ្នំដី ភូមិថ្មីភូមិ ក្រវៀន ព្រៃបេង តាំងក្រូច សំពៅ និយាយរួមគឺក្រុងច្បារមនទាំងមូលហើយនិងស្រុកសំរោងទងមួយចំណែកមួយផ្នែក។

សេចក្តីដូចបានជម្រាបជូនខាងលើសូមពុកម៉ែមាមីងបងប្អូនដែលមានភូមិពាក់ព័ន្ធទាំងអស់ប្រញ៉ាប់ រើអីវ៉ាន់ឡើងដាក់លើទីទួលសុវត្ថិភាពឲ្យបានត្រឹមត្រូវ។ជាងនេះទៅទៀត ត្រូវត្រួតពិនិត្យទៅលើចាស់ជរា កុមារដែលងាយរងនូវផលប៉ះពាល់មុនគេ។ ចំពោះមធ្យោបាយដឹកជញ្ជូនធំៗសូមមេត្តាផ្អាកជាបណ្ដោះអាសន្នឬក៏អាចរកផ្លូវវាងមួយរយៈពេល។ សូមអរគុណ! >>