សម្ដេចតេជោ ហ៊ុន សែន អញ្ជើញចុះសួរសុខទុក្ខប្រជាពលរដ្ឋរងគ្រោះដោយទឹកជំនន់នៅខេត្តបន្ទាយមានជ័យ
តាមរយៈផេក ហ្វេសប៊ុក សម្ដេចតេជោ បានបង្ហោះព័ត៌មាននៅនៅព្រឹកថ្ងៃទី ២០ ខែ តុលា ឆ្នាំ ២០២០ នេះថា សម្ដេចតេជោ ហ៊ុន សែន នាយករដ្ឋមន្ត្រី នៃ រាជរដ្ឋាភិបាល បាននឹងកំពុងធ្វើដំណើរទៅកាន់ខេត្ត បន្ទាយមានជ័យដើម្បីសួរសុខទុក្ខនិងជួយឧបត្ថម្ភប្រជាជនប្រមាណ
ពីរមុឺនគ្រួសារដែលរងគ្រោះដោយជំនន់
ទឹកភ្លៀង។
សម្ដេចតេជោ ហ៊ុន សែន នឹងបំពេញការងារចំនួនពីរថ្ងៃនៅ
ខេត្តបន្ទាយមានជ័យគឺថ្ងៃ២១និងថ្ងៃ២២ខែតុលាឆ្នាំ២០២០
មុននឹងត្រឡប់មកភ្នំពេញវិញដើម្បីដឹកនាំការប្រជុំគណៈរដ្ឋមន្ត្រីនៅថ្ងៃ២៣
ខែតុលាឆ្នាំ២០២០។
ខេត្តបន្ទាយមានជ័យជាខេត្តដែលរងគ្រោះធ្ងន់ជាងគេនិងយូរជាងគេដែល
ចាំបាច់ត្រូវផ្តល់អទិភាពសង្រ្គោះផងនិង
ស្តារឡើងវិញក្រោយទឹកជំនន់ផង។
សម្ដេចតេជោ ហ៊ុន សែន ក៏បានអរគុណសប្បុរសជនដែលជួយផ្តល់
ជាថវិកា សម្ភារៈ ស្បៀងអាហារ។ល។
តាមរយះរាជរដ្ឋាភិបាលឬកាកបាទក្រហមឬអាជ្ញាធរថ្នាក់ក្រោម
ជាតិឬចុះចែកផ្ទាល់ដល់ប្រជាជនដែល
រងគ្រោះ។
សម្ដេចតេជោ បានកោតសរសើរចំពោះស្ថាបន័ថ្នាក់ជាតិនិងអាជ្ញាធរគ្រប់លំដាប់
ថ្នាក់ កងកម្លាំងប្រដាប់អាវុធគ្រប់ប្រភេទ
ព្រះសង្ឃក្រុមយុវជនទាំងអស់ដែលបាន
ចូលរួមជួយសង្រ្គោះប្រជាជននៅតំបន់
រងគ្រោះដែលនេះបានបង្ហាញនូវកម្លាំងសាមគ្គីភាពដ៏រឹងមាំនិងទូលំទូលាយនៃ
ជាតិយើង។ សម្ដេចតេជោ ហ៊ុន សែន បានជូនពរបងប្អូនជនរួមជាតិជួបតែសេចក្តីសុខ៕
