ចាប់ថ្ងៃស្អែកទៅកម្ពុជានឹងចុះត្រជាក់ដល់ ១៩ អង្សាស្ទើរទូទាំងប្រទេស

ថ្ងៃទី២៤ ខែតុលា ឆ្នាំ២០២០ ក្រសួងធនធានទឹក និងឧតុនិយម បានចេញសេចក្ដីជូនដំណឹងស្ដីពីស្ថានភាពអាកាសធាតុនៅទូទាំងប្រទេសកម្ពុជាចាប់ពីថ្ងៃទី២៥ ខែវិច្ឆិកា ដល់ថ្ងៃទី០១ ខែធ្នូ ឆ្នាំ២០២០។ 

តាមការបញ្ជាក់របស់ក្រសួង សម្ពាធខ្ពស់ Sub-Tropic បានរំកិលចុះក្រោម គ្របដណ្ដប់លើប្រទេសកម្ពុជា ជាមួយខ្យល់មូសុង ឦសានកម្រិតខ្ពស់។ ដែលស្ថានភាពបែបនេះនឹងធ្វើឲ្យបណ្ដាខេត្ដជាប់ជួរភ្នំដងរែក និងខ្ពស់រាប់ឦសាន នឹងមានសីតុណ្ហភាពអប្បបរមាពី១៩ អង្សា ទៅ ២១ អង្សា។ ចំពោះតំបន់វាលទំនាបកណ្ដាល មានសីតុណ្ហភាពអប្បបរមាពី ២២ អង្សា ទៅ ២៤ អង្សា។ ដោយឡែកតំបន់មាត់សមុទ្រវិញនឹងមានសីតុហ្ហភាពអប្បបរមា ២៣ អង្សា ទៅ ២៥ អង្សា។